Sa Mayo 7 na ang katapusan sang kampanya. Comelec nagapahanumdom sa mga kandidato nga may mga miting de abanse nga indi na mag palapaw las dose sang tungang gab-i sa ila nga pagpangampanya.
Suno kay acting elections supervisor Roberto Salazar, pag patak las dose uno sang kaagahon Mayo 8 na ini, gani pahanumdom niya sa mga kandidato nga tandaan ini labi na sa mga maga patigayon sang ila miting de abanse gab-i sang Mayo 7.
Wala man naga untat ang Comelec sa pagsulit sulit pahanumdom sang pagsunod sa minimum health protocol indi lamang sa kampanya kundi pati man mismo sa Election Day.
Samtang, suno kay Provincial Health Officer Ernell Tumimbang nga isa sa mga nagtambong sa Joint Peace And Security Coordinating Council, yara na sa tagsa ka municipaly ukon city health office ang pag deploy sang mga nurse nga maga bulig sa isolation polling precinct kun sa diin maga boto ang mga may yara sang temperatura nga 37.5 degrees pasaka.
Suno kay Tumimbang indi lamang sa pagpasiguro nga sila ang makaboto, kundi importante man nga ma monitor ang mga kondisyon sang sining mga botante pagkatapos sila ang makaboto.