Motorsiklo nga gina sakyan sang mag asawa nabungguan sang SUV nga gina drive sang isa ka Polish National, mister, patay.
Wasak ang atubang sang sini nga SUV matapos mabungguan ang motorsiklo nga gina sakyan sang mag-asawa nga Aljun kag Ma. Mariel Gual sa atubang sang Simbahan Katoliko sa Barangay Mansilingan sa Alijis-Murcia Road sa Bacolod City sang Sabado sang gab-i.
Ang nagadala sang SUV ang isa ka Polish National nga si Konrad Aleksander Wieczorek, 31 anyos.
Suno sa commander sang Police Station 7 sa Bacolod, nga si Capt. Andy Ofalia, west to east nga direction ang gina dalagan sang SUV kag motorsiklo sang malab-ot kag nabungguan sang SUV ang motor.
Bangud sang impact naglabog ang motor nga nag resulta sa kamatayon ni Aljun kag nasamaran naman ang iya misis. May settlement na sa tunga sang magtimbang nga bahin suno sa PNP.