Masobra P720,000 nga balor sang suspected shabu ang nakuha sa isa ka lalaki nga ginakabig high value target sa Purok 7, Barangay Maslog sa banwa sang Sibulan, Negros Oriental.
Suno sa report sang pulis, ang subject nga ginkilala kay alyas “Opao”, 33-anyos, residente sang Brgy. Bagacay sa Dumaguete City, ang naga-transaksyon sang iligal nga droga sa gwa sang tiangge sang iya misis.
Sa validation sang PNP, nakumpirmar nga naga-meet up sa mga customers si alyas “Opao” sa gwa sang tiyange agud magbaligya kag magduhol sang iligal nga droga.
Nagpatigayon sang buy-bust operation ang Provincial Drug Enforcement Unit sang Negros Oriental Police Provincial Office kag tigayon nga nadakop si alyas “Opao”.
[sibwp_form id=1]