Nakita na ang missing nga mananagat nga taga Cadiz City nga si Jolly Beating, Jr. Siya ang gin report sang iya utod nga si Jocelyn nga missing kag nakit-an na sa Bantayan, Cebu.
Sa post ni Jocelyn subong nga aga nagpasalamat ini sa tanan nga pangamuyo para sa iya nga utod.
Gikan sa Lakawon may gindul-ong nga mga materyales sa iya nga amo si Jolly sa Sagay kag sang papauli na nawasak ang iya sini gina sakyan nga bangka.
Nakapahibalo pa ini sa iya nga utod.
Humalin pa sang kagab-i ang pangita sa iya sang rescuers.
Suno sa iya utod nakahibalo man ini mag langoy kag nagsuksok sang life jacket sang nawask ang iya bangka.
Kaina ginpahibalo si Jocelyn sang otoridad nga luwas na sa katalagman si Jolly kag didto nakalab-ot sa Bantayan Island.