Patay ang 50 anyos nga iloy nga si Precilla Mediona matapos ginlaslas ang iya liog sang iya mister sang kahapon sa Barangay Yao yao sa banwa sang Cauayan.
Sa imbestigasyon sang PNP, naga inaway ang biktima kag iya mister nga si Eduardo Mediona bangud sa apat ka tuig na nga nagapadala sang kwartea ang misis para sa pagpakay-o sang ila balay sang siya ang naga trabaho pa sa Manila, pero sa iya pag pauli sang Disyembre wala sa gihapon nakay-o ang ila balay.
Suno sa pulis, kahapon lang liwat suno naka balik ang biktima sa ila balay matapos mag tiner sa balay sang iya anak, kag sa iya pagbalik sila ang nag baisay na naman sang iya nga mister.
Amo ini ang nag tulod suno sa PNP sa pag laslas sang mister sa liog sang iya misis sa atubang pa sang ila tatlo ka anak.
Napatay si Precilla kag ang iya mister nga si Eduardo ang nagpalagyo.
Padayon pa sa karon ang pagpangita sang PNP sa suspek.