Lunes sang nadakpan sang pulis ang iya nga misis nga may upod nga iban nga lalaki sa isa ka apartment sa Brgy. Singcang-Airport sa Bacolod City.
Ginpasakaan na kaso nga adultery ang 39-anyos nga asawa kag ang lalaki sini nga 40-anyos kag yara karon nahilway na gikan sa kustodiya sang Women and Childrens Protection Desk.
Suno kay Police Captain Melvin Mercado, commander sang Police Station 8, nagreklamo sa ila ang 40-anyos nga corporal sa ginahimo sang iya asawa nga pila na ka bulan man nga iya ginabantayan.
Ang nasambit nga pulis assigned sa Negros Occidental Police Provincial Office.
Gani nagpatigayon sang operasyon ang mga otoridad kag naaktuhan ang lalaki nga nagatampi na lang sang tuwalya kag nakapangtulog ang babaye.
Apang suno naman kay Captain Mercado, ginasiling sang misis nga ang iya sini nga bana nga pulis ang may yara man sang iban nga babaye kag madugay na sila nga wala naga updanay nga duha.