Sang kahapon nag bisita si Sheryl Tanlap Tayhopon sa pantyon sang iya amay para mangayo sang sinyales kun bala padayunon niya pa ang pag negosyo sang carinderia
Kay malawig na siya naga batyag sang epekto sang pandemic sa iya nga negosyo.
Gin promisa niya sa iya ginikanan nga sigihon niya ang negosyo nga gin suguran sang iya nga iloy….
Pagpauli niya nag isip siya sang kwarta niya sa bag sa kwarto sa ila gina rentahan nga lugar para sa ila karinderia, nakibot siya kun ngaa kulang na naman ang iya nga kwarta. Indi ini kuno una
Nga tiun nga nadulaan siya sang kwarta. Naga libog ang ulo niya kay wala man sang may naga sulod sa kwarto nga palahuwayan nila pero nagaka kulangan ang iya nga kwarta.
Ilaga gale ang naga panguha sang kwarta sa iya nga bag kag gina sulod sa buho sa dinding. Ginguba nila ang dingding kag didto nila nadiskubrehan nga may pila ka panid sang kwarta nga nabutang sa buho.
May tag isa ka libo, kinuyentuson, singkwentahon, shinon…
Naka supot ang ilaga sang masobra sa kwatro mil pesos sa sulod sang dingding. Indi mahangpan ni Sheryl kun bala ini ang sabat sang iya amay sa gina pangayo niya nga sign. Pero nag desisyon siya nga
sumugod bwas nga adlaw, isarado anay ang kalan-an para sa general cleaning kag renovation.
Mapahuway siya sang maka dali kag mamensar sang madalom.
Naga pensar siya gani nga mahimo nga natabo ang ini nga insidente para man maka pahuway siya anay makadali kag maka re charge sa tanan nga stress sang adlaw adlaw nga pangabuhi. Basi ini kuno ang sabat sang iya amay sa iya palamangkutanon. Magpahuway lang anay kag indi mag surrender sa mga pagpanghangkat sang pangabuhi.