Nabalik na ang power supply sa walo ka mga feeders sa Barangay Alijis sa Bacolod City kag apat ka feeders sa Murcia.
Nawad-an sang power supply ang bahin sang Alijis kag Murcia kahapon sang hapon bangud sang buhawi nga nag labay sa Brgy. Blumentritt Murcia.
Ang mga nagsalab-it nga sin kag sanga sang kahoy sa mga kable sang kuryente ang nagtuga sang power interruption.
Sa statement sang Negros Power, ila ginsiling nga wala sang dako nga nangin halit ang insidente.
May isa naman ka bodega kag isa ka balay sa Murcia ang nagub-an sag atop bangud sa buhawi.
Wala naman sang may gin-report nga napilasan sa amo nga insidente.