Manug gwa na sa stage si Bacolod City Mayor Albee Benitez sang hinali na lang nga nag brownout sang makadali.
Naglahog na lang ang alkalde nga basi ang iya team nga naga edit sang video support ang may kahimuan sang brownout kay wala pa maka tapos.
Humalin sang gin suguran ang pag hawan sa mga spaghetti wires, naglab-ot na sa masobra sa 30 ka tonelada nga spaghetti wires ang nakuha sang telco companies kag Ceneco.
Ginatos ka mga reklamo ang nabaton sang iya adminsitrasyon sang gin lunsar nila ang isugid kay mayor ang mga problema sa tubig, sa kuryente kag basura.
Iya man ginpatpat ang plano nga mga dugang nga dalan sa Bacolod pati na ang pag gamit sang portion sang runway sa daan nga airport para himuon nga diversion road para mapa hagan hagan ang traffic sa Singcang-Airport.
Dugang pa niya, indi malipod nga puro papel ang yara sa lamesa sang mga empleyado sang siudad gani iya na gin suguran ang e governance ukon ang online transaction kag ang una nga department nga ginbutangan sang online nga system amo ang Ofice of the Building Official.
Gintalakay niya man ang ginsuguran na nila nga pagkilala sa mga matuodtuod nga tenants sa mga merkado kag ang pag pirma sang kontrata para may pang hawiran man sila.
Pati na ang kontrbersyal nga pagpasira sa mga stalls sa Manokan Country ang iya man ginmuno. Plano niya nga himuon nga food tourism hub ang mga merkado sa Bacolod kag himuon nga terminal sang mga depasahero nga salakyan sa second floor sang mga merkado.
Lima ka mga super health centers ukon mini hospital ang iya gina plano nga ipatukod sa Brgy. Vista Alegre (Arao Relocation Site), Brgy. Cabug, Brgy. Mandalagan, Brgy. Alijis kag sa reclamation area. May desi siyete naman ka mga persona nga may kaugalingon na nga mga BACCHP cards para indi na mag problema sa pagpa ospital.
Gin announce niya man nga sa madason nga tuig masuguran na ang pension sang dose mil ka mga senior citizens sa Bacolod.
Suno sa alkalde panugod pa lamang ini kag madamo pa sang ulubrahon. Ang change nga gina promisa niya indi lang maga halin sa iya kundi sa kada Bacolodnon.