Nasapwan ang bangkay sang isa ka minero nga ginkilala kay Ignacio Ortega, 42-anyos sa Sitio Arum Brgy. Talcagay banwa sang Hinoba-an Martes sang hapon.
Suno sa kay Police Major Jaynick Bermudez ang hepe sang Hinoba-an PNP, nagsulod sa tunnel nga may kadalumon nga 20 metros ang biktima kag ang iya nga pakaisa kag nagsunog sang bato gamit ang uling.
Dugang pa ni Bermudez, nagpabilin ang biktima sa tunnel mga las 10 sang aga kag pasado las 12 sang udto nagbalik sa buho ang mga kaupdanan sini nga minero kag didto nakita ang biktima nga isa na ka mayami nga bangkay.
Ginhingagaw pa dala sa ospital si Ortega apang gindeklarar siya nga dead on arrival. Base sa post mortem examination suffocation ang gintunaan sang kamatayon sang biktima.