
Karon nga may mga migratory birds nga nagasayo sa probinsya, Office of the Provincial Veterinarian ang nagapatuman sang maid-id nga monitoring bilang tikang kontra sa bird flu.
Suno kay Dr Placeda Lemana, ang provincial veterinarian, labing gina tutukan karon nila ang Sipalay bangud diri na naga padulong ang mga migratory birds.
Sadto nalakip sa areas nga gina sayuhan ang Bago, San Enrique kag Himamaylan suno sa iya.
Disyembre tubtob Pebrero, mga tion sang winter sa iban nga mga lugar ang pag sayo sang migratory birds sa probinsya.
Regular naman nga napatuman sang pagkuha sang samples ang ila talatapan bilang kabahin sang monitoring.
Nagapabilin nga bird flu free ang probinsya, rason nga padayon ang pag patuman sang pag ban sang pagsulod sang mga live birds kag poultry products gikan sa mga lugar nga may active nga bird flu cases kaangay sa Luzon kag Mindanao suno kay Lemana. Mabudlay ang bird flu suno sa iya kag ini ang naga apekto sa iban nga kasapatan bisan pa sa tawo.
“Regular kita dira nga naga conduct surveillance. Nagakuha kita sample gina submit naton sa BAI, especially subong nga winter sa iban nga countries, damo migratory birds, December up to February dira gid damo ang migratory birds”, suno kay Lemana.