Ulan nga tuga sang shearline kag northeast monsoon ang nagtuga sang pagbaha sa pila ka bahin sang Talisay kag Silay City suno sa Provincial Disaster Risk Reduction Management Office.
Samtang, 17 naman ka mga barangay sa Negros Occidental ang nalakip sa listahan sang Mines and Geosciences Bureau nga sarang mag eksperiensya sang pagbaha kag landslide tuga sang pag -ulan.
Bangud sang mabunok nga ulan ginmando ni Silay City Mayor Joedith Gallego ang pag cancel sang klase sa mga public kag private nga eskwelahan sumugod las 12 kaina sang udto. Suno sa PDRRMO may 162 ka pamilya ukon 770 ka persona ang apektado sang mabunok nga ulan.
Sa Talisay City may 157 ka mga pamilya ang gin-evacuate ukon 611 ka persona. Kusina ni Mayor Weng ang nag hatag sang hot meals kag family food packs sa mga apektado nga pamilya.
Samtang ang MGB naman ang nag pa gwa sang listahan sang mga barangay sakop sang Cadiz City, Calatrava, Escalante City, EB Magalona, Don Salvador Benedicto, Sagay City, Silay City kag Toboso nga sarang maka eksperiensya sang pagbaha kag rain induced landslide.
Ini base man sa 72 hour rainfall forecast datea sang DOST PAGASA as of 8pm.*
[sibwp_form id=1]