Gina recommend sang Mines and Geosciences Bureau nga ang lugar nga sakop sang Sitio Manaol kag Santos-Santos sa banwa sang Moises Padilla nga apektado sang slow moving landlside ang i-deklara nga high risk/danger zone kag no build zone.
Gin submit na sang Mines and Geosciences Bureau ang ila nga finding kag recommendation angut sa slow moving landslide sa sitio Manaol kag Santos-Santos sa Barangay Quintin Remo sa banwa sang Moise Padilla sa kay Mayor Ella Garcia-Yulo Lunes sang aga.
Naka saad sa recommendation nga gin submit ni Leilanie Suerte ang supervising Geologist sang Mines and Geosciences Bureau nga bangud ang movement sa amo nga lugar continuous kag may varying speed wala sang nagakaigo nga engineering intervention ang tigayon nga maka pa untant sa sining mga landslide.
Nalakip man diri ang pagpahamtang sang warning signs kag notices nga naga declare nga high risk ukon danger zone and no build zone ang lugar. Ang 18 ka mga balay ukon structures kag mga pumuluyo nga naga istar sa natungdan nga area ang dapat ma relocate kag mapahamtang sa mas safe nga lugar.
“Very big actually ang landslide naton. Na define namon siya nga 2.3 kilometers ang kalabaon. Tapos halos 700 meters ang iya nga kasangkaron. More or less one square kilometer gid ni siya ang moving area naton. So indi ni siya lahug-lahug nga landslide. Subong 18 houses pa lang na identify namon na balay”, suno kay Suerte.
Samtang, gina pat-od pa ang lugar nga maga serbe nga relocation site sang mga apektado, ang mga pumuluyo sarang makabalik sa ila nga puluy-an kun maayo ang panahon.
Kag ang mga naga puyo naman sakop sa apektado nga duta ang iga evacuate kun may mga issuances ukon advisory angut sa bagyo ukon mabunok nga ulan nga maga apekto sa Moises Padilla.