Ginsiling na ni Mayor Albee Benitez nga indi sarang matagaan sang sweldo sang siudad ang may 1,500 ka mga nagserbe nga volunteers sa sulod man sang pila ka bulan.
Kutob lang man abi sa mga may appointment letter nga nagaserbe job order workers sang siudad ang natalana matagaan sang sweldo karon nga na-reconcile na ang listahan sang mga naga-ubra sa siudad.
Ginpahanumdum man sang siudad ang bahin sa No referral, no work policy sa mga volunteers nga mahimu nagapadayon pa sa pag-trabaho sa siudad karon nga Disyembre.
Nagligad lang nga semana sang ginsuguran man ang id system sang Bacolod City Government Center agud mapat-ud ang kadamuon sang naga-serbe nga JO’s kag mapasiguro nga may mabaton sila nga sweldo.