Martes nga adlaw sang masapwan sang isa ka karga tapas ang mga tul-an sang tawo sa Purok Gonzaga, Bangga Guanzon sa Barangay Mansilingan sa Bacolod.
Suno kay Police Captain Andy Ofalia, comander sang Police Station 7, dako ang posibilidad nga gikan sa patyo ang mga tul-an. Posible nga gintapok lang ini sa kampo.
Dugang pa ni Ofalia, sa ila nga pagpangusisa sa mga supolturero, malawig na ang bagul kun sa diin, nagdangat na ini sa tatlo tubtob lima ka tuig kag posible, indi insakto ang pag-dispose sini.
Dugang pa sang pulis, may mga tion nga sa pag-ilis sang lulubngan, ginakalkal ang mga tul-an kag indi eksakto ang pag dispose sini kag ginrekta lang pilak sa kampo. Wala man may na recover nga mga panapton sa area kun diin ini nakit-an.