Nakibot ang mga pumuluyo sang masapwan ang mga tul-an sang isa ka lalaki sa Sitio Omot, Brgy. Santol banwa sang Binalbagan Huwebes sang aga.
Ang biktima ginkilala sa kay Jonathan Guadario, 40-anyos, wala sang asawa kag residente sang amo nga lugar.
Suno sa kay Police Major Randy Babor ang hepe sang Binalbagan PNP, ginkilala sang mga himata ang biktima paagi sa iya nga mga panapton.
Dugang pa ni Babor, gina kuyap ang biktima kag ini ang nadula sadtong Pebrero 2023.
Nadiskubrehan ang tul-an matapos nga nanghagbas ang isa ka mangunguma nga ginkilala sa kay Resande Gantalao agud nga magtanom sang tubo.
Nagaguwa man sa imbestigasyon sang kapulisan nga wala sang foul play sa iya nga kamatayon.