Para mapasiguro nga indi colorum ang ila gina byahe nga traditional jeepney, natalana nga pamutangan sang stickers nga may QR codes ang mga nagabyahe nga jeep sa siudad.
Suno kay Jun Asis, secretary general sang Sentrong Samahan ng mga tsuper at Operators Negros, nagsugod na sila pa-rehistro sa City Administrators Office sang ila mga ginabyahe nga traditional jeepney.
Ini matapos man nga natagaan extension ang ila pag byahe asta Enero 31 paagi sa gin issue nga board resolution No. 002 sang Land Transportation Franchising and Regulatory Board.
Para naman kay Rudy Catedral, presidente sang Bacolod Alliance of Commuters, Operators and Drivers ukon Bacod makabig nga kadalag-an sang ila mga ginhimo nga pagpamatuk sa plano nga pag phase out sang traditional jeepney sa idalom sang jeepney modernization program.