Matapos ang duha ka bulan humalin sang nag-igo ang bagyo Tino, target karon sang banwa sang La Castellana nga matigayon na saylo sa mga tents ang mga evacuees nga naga tenir sa La Castellana Elementary School.
Suno kay Remuel Lajo ang PIO sang banwa, padayon ang pag pahamtang sang mga tents gikan sa Office of the Civil Defense sa Colegio de La Castellana para temporaryo nga masayluhan sang 83 ka pamilya ukon 319 ka mga individuals bangud kuhaon naman balik sang eskwelahan ang mga classrooms karon nga nagbalik na ang klase.
Suno kay Lajo target nga matigayon ang transfer sini nga weekend. Pero suno sa iya may mga iban pa nga Tino affected evacuees nga naga tenir sa lain-lain nga mga evacuation centers pa gid nga napahamtang sa mga barangay.
Sa karon suno kay Lajo may 370 families ukon 1,339 ka individuals and displaced bangud sang Tino.
On process na ang procurement sang duta sa 8 hectares nga relocation site sa Bacsay sa Brgy Robles suno kay Lajo.
Para ini sa mga nadulaan sang balay ukon na wash out sang mag igo ang bagyo Tino.
Gikan sa budget sang LGU para sa landbanking ginkuha ang bayad para sa duta suno kay Lajo.
“Temporary namon nga teniran kay tungod nga need na ang classrooms for classes. May gin procure na kami. May gin bakal na ang banwa nga 8 hectares nga lot within diri sa brgy robles diri sa Bacsay area. Amo na siya for permanent nga relocation site sa affected – mga severely affected, mga wash out sang bagyo Tino”, suno kay Lajo.*