Imbes nga magtupa sa sanitary landfill, sarang pa nga mapuslan ang mga campaign tarpaulins nga gingamit sang tinalikdan nga May 2025 National and Local Elections.
Kapareho na lamang sa banwa sang Calatrava, kon sa diin, ila gin-recycle ang mga tarpaulins kag ginhimo nga reusable bags kag apron.
Sarang magamit ang bags sa pagpaninda sa merkado, samtang ang aprons naman ang ginagamit sang mga manugbaligya.
Ginpangunahan ini nga inisyatibo sang Municipal Solid Waste Management Office sang banwa nga nagapati nga ang pag-recycle sang mga tarpaulin isa ka pamaagi agud buligan ang palibot.