Mga talamnan nga yara sa punta sang kanal sang irrigation lamang ang apektado sa siudad sang Bago.
Ini suno kay Mayor Nicholas Yulo nga nag siling man nga may report man nga pag nubo sa lebel sang tubig sa mga suba pero klaro niya wala sang reduction sa water supply sa mga irigasyon.
Ang siudad sang Bago ang isa sa may pinakamalapad nga humayan sa Negros Occidental.
Sa tunga sang pag igo sang El Nino phenomenon suno sa iya wala sang water shortage sa Bago.
Bahin sa tubig ilimnon suno kay Yulo wala sila sang problema sa water sources kundi ang distribution.
Ini bangud may transition sa karon gikan sa Baciwa padulong sa PrimeWater kag padayon ang pag-ilis sang mga pipes.
Sa idalom man sang joint venture nagdugang sang water source bangud sa ginapaabot nga pagsaka man sang populasyon sang Bago.