Isa ini sa duha ka mga salakyan nga gin sakyan sang mga tumandok sang Sultan Kudarat sa ila pagpadulong sa Bacolod. Sa sulod sang salakyan nabutang ang ila nga mga bayo.
Sa likod sini ginkarga ang ila nga mga baligya.
Bitbit pa nila ang mga lata sang sardinas nga amo ang ila gina konsumo sa ila pag biyahe.
First time nila maka pa Bacolod kag wala sila mag laum nga amo sini kainit ang pag baton sa ila nga mga produkto.
Ang ini nga pick up, gikan pa sa Cadiz City… Nagbiyahe ang tag iya pa Bacolod para mag bakal sang ila nga mga duyan.
Bisan mabunok ang ulan kahapon wala sila maghalin sa pwesto kay matapos kuno ma post sa Facebook ang ila nga mga produkto wala na sila gin untatan sang pagdagsa sang customer.
Gani diri na lang sila mismo nag paligad sang gab-i. Nagbutang lang sila sang duyan sa mga puno sang kahoy para may matulogan.
Istorya nila, pinaagi sa GPS, ila nalab-ot ang Bacolod. Wala sila mag paabot nga tuman ka talaklaron sang highway sa Mabinay…
Kaina padayon sa gihapon ang pag inabot sang customer. Kun amo sini kadamo sang ila display sang kahapon, amo na lang sini ang nabilin subong.
Isa ka semana ang plano nila nga magtinir sa Bacolod. Pero paubos na ang ila produkto sa ika duha pa lang nila nga adlaw. Kun maubos na ang produkto plano nila nga magpauli man gilayon sa Sultan Kudarat.
Makapoy kag malawig kuno ang biyahe halin sa Sultan Kudarat pero sulit man ang tanan kay paubos na ang ila nga baligya.