Agaw atensyon ang ini nga mga na display nga mga native nga mga produkto sang mga taga Sultan Kudarat nga inadlaw nga nag biyahe pa Negros para lang Ilibod ang ini nga mga produkto.
Kalabanan diri himo sa uway. May nanari sari nga mga duyan. Classic nga duyan, egg type kag avocado type.
Naga range sa otso mil tubtob dose mil ang bili sina kay himo sa salsalon ang stand pati na ang brace sini.
May mga silhig, abanico, banig, food cover kag mga basket.
Suno sa kay Billy, ila ini nga gina pangompra sa mga tribo sa Sultan Kudarat kag gina bulante.
Agosto desi otso pa sila nag halin sa Sultan Kudarat. Sakay sa duha ka mga salakyan bitbit ang ila nga mga produkto, nag sakay sila sa roro gikan diplog tubtob naka lab-ot sa Negros Oriental. Nagpa swab test pa sila anay para maka lusot sa mga borders.
Kahapon sa Circumferential Road sila pero mabudlay para sa mga motorista nga mag pondo gani kaina nag ayo sil sa punong barangay sang mansilingan nga diri sila temporaryo nga ma bulante sang ila nga mga produkto sa higad sang dalan sa unhan lang sang crossing sang Vista Alegre.
Bangud sa maka galanyat sa panulukan, wala malikawan sang mga motorista nga mag pondo kag magpamangkot.
Ang ini nga babaye ang buena mano nga customer. Naga bakal siya sang duha ka mga banig
Wala untat ang pag pondo sang mga motorista.
Suno kay Billy… Tuman ka puraot sang ila pangabuhi sa ila probinsya dala sang pandemic amo kun ngaa na pensaran nila nga mag bulante sa iban nga mga lugar