Shadow

Mga taga Negros kag Bacolod City sarang na mag-apply sang SSS calamity loan

Mga miyembro sang Social Security System nga taga Negros Occidental kag Bacolod City ang sarang na maka avail sang calamity loan.

Suno kay Josefa Pineda, ang Regional Communications Specialist sang SSS Visayas West 1 Division, 7 percent ang interest rate per annum sang calamity loan.

Ang loan nga ma grant mahimo equivalent sa sweldo sang isa ka empleyado pero ang maximum sang kantidad nga ma hatag 20,000 pesos.

Pagabayaran ini sa sulod sang duha ka tuig.

Ang Negros Occidental ang napaidalom sa state of calamity kasunod sang pag igo sang bagyo Crising kasubong man tungod sang natuga nga kahalitan sa katubuhan sang pag pang atake sang peste sa tubo ukon sang RSSI.

Suno kay Pineda wala man nag deklarar ang Bacolod sang state of calamity pero may mga taga Bacolod nga nag apply sang calamity loan kag na-aprubahan man.

Ang application paagi sa online nga SSS account sang SSS member.

Secured By miniOrangeSecured By miniOrange