Ulihi nga batch sang mga internally displaced persons nga naga puyo sagwa sang 4km permanent danger zone sang bulkan Kanlaon ang tigayon na nga naka pauli.
Sang Sabado, ang 22 ka mga pamilya ukon 81 ka indibidual sa Bago City nga walo man ka bulan nga wala makapuli ang tigayon nakabalik sa ila nga mga balay sa Purok Manokan, Brgy Ilijan.
Ini kasunod sang pag nubo na sang Alert Level sang bulkan Kanlaon.
Sa post sang TheCitybridge nakasaad nga ang madinalag-on nga pag pauli sang mga IDP nagapakita sang kun ano ang sarang ma maobra sang pag hugpong kag pag-isa lakip na ang Bayanihan sang mga Bagonhon.
Mismo si Bago Mayor Marina Javellana-Yao ang nag-upod sa pag pauli sang mga IDP. Iya ginsiling nga nabatyagan nila ang Bayanihan sa Bago.
May duha man ka semana nga ginhandaan ang pag papauli kun sa diin mga national kag local agencies, volunteers, city kag barangay officials ang nagbuylog.