Arestado sang Martes ang number 1 most wanted sang Police Station 3 nga si Ramos Trabucon paagi sa warant of arrest.
Siya ang naaresto sa Purok Langis sa Barangay Banago.
Si Trabucon amo ang suspek sa pag patay sa barker nga si Bryan Garrido sa sulod sang computer shop sa amo man nga purok sadtong Hunyo 17.
Samtang naaresto man sang Murcia PNP ang suspek sa pag patay sa isa ka menor de edad nga gina alegar rugby boy sang bulan man sang Hunyo sa atubang sang isa ka mall sa Barangay Singcang Airport.
Ang 21 anyos nga si Jared Dela Cruz ang naaresto matapos ini ginreklamo sang iya tiya sa Murcia PNP bangud ini ang may ginkawat nga kagamitan sa balay sang iya tiya.
Naaresto siya sa Barangay Igmayaan kag didto gin serbe ang warrant of arrest sa kaso nga homicide batuk kay Dela Cruz.