Nadakpan sang kapulisan ang mga suspek angut sa pag paniro sang mag-asawa sa Santa Catalina sa Negros Oriental sa pursuit operation.
Gin patigayon ang pursuit operation sa Barangay Buntis sa Bacong, Negros Oriental sadtong Oktubre 16 nga ginsakdag sang gin hugpong nga pwersa sang Santa Catalina Municipal Police Station, Bacong MPS, SWAT NOrPPO, kag sang Provincial Intelligence Unit (PIU-NOrPPO).
Suno sa Negros Oriental Police Provincial Office (NOrPPO), nag resulta ini sa pagkadakup sang mga suspek nga gina patihan responsable sa shooting incident kun sa diin isa ka pumuluyo sang Santa Catalina ang napatay.
Isa ka 58- anyos nga lalaki ang nagtaliwan samtang ang iya nga asawa ang nasamaran sang sila ang gintiro sang mga suspek sadtong Martes sang gab-i, Oktubre 14.
Ang mag-asawa nga parehos nga mga negosyante ang ginluthang samtang sila ang papauli na.
Na-recover sang pulis ang pila ka mga armas, mga bala kag cellular phones gikan sa mga suspek.
Padayon pa ang pag pangusisa sang otoridad sa kaso para mapat-od ang motibo kag posible mga koneksyon sang mga na aresto nga suspek sa iban pa gid nga criminal activities.