Yara na sa custody sang kapulisan ang apat sa lima ka mga suspetsado nga gina tudlo responsable sa paglabo sa mag-utod sa Brgy San Vicente, Binalbagan sang tinalikdan nga Agosto 27.
Kabahin sa mga nadakpan sanday Alexander Dela Peña , 27-anyos, Jerry Cabayao alyas Bitoy, Artemio Ballenas Jr., 25 anyos alyas Goygoy kag Roberto Mandioya Alyas Bertoy, lunsay mga residente sang Sitio Streamline, Brgy. 5, Isabela.
Ang lima ang gintudlo naglabo – patay kay Jomarie Getonzo, 40 anyos kag paglabo man sa manghud sini nga Ernesto Getonzo nga nag angkon sang mga pilas sa lawas.
Sa pagpangusisa sang Binalbagan PNP, nagsinuyaay ang magtimbang nga bahin samtang yara sa ilimnan tubtob nga ginlagas kag gin atake sang mga suspek ang mga manugpauli na nga mag-utod.
Si Dela Pena ang isa sa mga una nga nadakpan sang kapulisan sang maaksidente ini sa motorsiklo sa iya pagpalagyo.
Ang mga nadakpan nga suspek ang ginpasakaan na sang kaso nga homicide kag frustrated homicide pati na ang ila naka-palagyo nga kaupod nga si alyas Junjun.
[sibwp_form id=1]