Reshuffling sa 5 ka police station ang ginpatuman sa Bacolod.
Sa tuyo nga mas mangin epektibo ang kampanya sa pagpabaskog sang peace and order, ginpatuman sang pamunuan sang Bacolod City Police office ang pagbalasa sang mga police commanders sa siudad.
Mangin station commander sang Police Station 2 si PMaj Eugene Tolentino.
Si Police capt Greeky Cayao ang magabulos sa iya sa Police station 8.
Igatalana nga Officer-In-Charge sang Police Station 7 si PCpt Dax Santillan kag OIC naman sang Police Station 6 si PCpt Peter John Ramos.
Ang anay Asst PIO sang BCPO nga si Police Lieutenant Rowena Jean Magan maga pamuno sang Women and Children’s Protection Desk (WCPD).
Ginapaabot ni BCPO Director Police Colonel Joeresty Coronica nga ihatag sang panibag-o nga mga police commanders ang kutob sa ila masarangan para maserbisyuhan ang komunidad.