Ang City Treasurer’s Office nga kabahin sa may nagapabilin pa nga opisina sa daan nga city hall sang Bacolod ang natalana magasaylo sa second floor sang bag-o kaayo nga Libertad Annex Building. Tungod wala sang manugbaligya nga luyag magsaylo sa ibabaw sang merkado, plano sang siudad nga i-demolish na lang ang mga nahuman nga stall agud mahimo ini nga office room sang iban pa nga departamento nga temporaryo maga-occupy sang merkado.
Para kay Councilor Celia Flor, pamuno sang Committee on Markets ang Slaughterhouse, mas nagakaangay na lang nga ipagamit sa iban ang infrastructure project nga indi luyag sang pila ka mga vendors.
Sa sini nga semana ginapaabot ang pag-transfer sang mga opisina halin sa daan nga city hall.
Ini agud ma amat amatan sang contractor ang demolition para sa pagasuguran nga rehabilitation project.