Mahilig ka mag post kun diin may LTO checkpoint ukon naga pang buyayaw ka LTO personnel online?
Kutob sa mga social media pages nga nangin avenue sang pagpahibalo sa publiko kun diin may LTO checkpoint kag sa mga naga buyayaw sa LTO personnel ang ipa shutdown.
Ini ang gin anunsyo mismo sang Land Transportation Office kasunod sang mando man ni President Ferdinand Marcos, Jr. kag opisyales sang DOTr kag LTO nga kilalahon ang mga naga himo sini sa LTO.
May mga Facebook group chats kag pages na abe nga naga post sang real time nga impormasyon sa angut sa nagakatabo nga checkpoints.
Ang iban naman gin kuhaan sang litrato kag gin pakahuy-an ang mga LTO personnel sa checkpoint.
Ginmando ni Regional Director Atty. Gaudioso Geduspan II sa Intelligence and Investigation Unit ang pagpadala sang sulat sa Regional Anti-Cyber Crime Unit sang Police Regional Office-6.
Kilalahon kutob sa mga admin sang pages nga nagahimo sini.
Ginabutang sa risgo ang kabuhi sang LTO agents sa pag post sang real time location sang mga personnel.
Isa ini ka violation sang Cybercrime Prevention Act (RA 10175), provisions sang Revised Penal Code kag iban pa nga layi kasubong sang posible obstruction of justice kag falsification offenses.
May isa na ka taga Miagao, Iloilo nga nasampolan matapos gin kuhaan sang litrato kag gin post sa page ang lokasyon sang LTO.