Mga slaughterhouse sa anum ka mga LGU sa probinsya ang gina paabot nga iga-turn-over na sa tagsa ka natungdan nga banwa kag siudad para masugdan naman ang pag-operate sini.
Ini suno kay Governor Eugenio Jose Lacson nga nag siling nga ini ang kabahin sang ila man nga priority para sa 2026.
Ang mga slaughterhouse project nga sa idalom sang PRDP ukon ang Philippine Rural Development Project, upod ang World Bank, National Government kasubong man Provincial Government ang natukod sa Hinoba-an, Cauayan, Binalbagan, Toboso, San Carlos kag Murcia.
Suno kay Lacson, ipaidalom sa training ang mga natungdan nga LGU sa pag manage sang facilities santo sa National Meat Inspection Service regulations.
Sa pag operate sang mga slaugterhouse mapasiguro ang food safety, quality control kasubong man value-adding para sa meat products.
Sa pihak nga bahin, tuyo man sang probinsya nga makatukod sang E911 command posts sa kada distrito. Paagi sini mapasiguro ang well coordinated emergency reponse lakip na sa tion sang kalamidad.
Sa una nga adlaw sang pagbalik trabaho sa tuig 2026 suno kay Lacson siya ang nagsapol sa mga department heads kag gina pasiguro nga nahangpan sang government employees ang importansya sang public service lakip na ang ila commitment para diri.*
[sibwp_form id=1]