Sang nagligad lang nga semana nagsugod na panaway ang katapo sang City Legal Office enforcement unit sa mga sidewalk vendors sa downtown area.
Nagpaandam si City Legal Officer Atty. Romeo Carlos Ting, Jr., nga sa pagbalik sang klase magasugod na pagpangkumpiskar kag pangkakas ang enforcement unit sa mga nagalalapaw nila nga baligya kag mga baligyaan sa kilid sang sidewalk.
Upod sa katapo sang City Health Office magapatuman ang enforcement team sang inspection kag clearing operation pati sa mga sidewalk vendors sa gwa sang mga eskwelahan sa siudad.
Luyag ipasiguro sang Bacolod LGU nga may health card ilabi na ang nagabinaligya sang pagkaon sa mga estudyante sa atubang sang mga eskwelahan.