Shadow

Mga resorts sa Murcia magasirado sa Biyernes tubtob Domingo, munisipto ginsirad-an man

Temporaryo nga pagsira sang mga resort sa banwa sang Murcia sa sulod sang tatlo ka adlaw ang ginmando sang alkalde.

Suno kay Mayor Gerry Rojas, sumugod Biyernes tubtob sa Domingo iya gin mando ang pagsira sang mga resort sa Murcia agud to malikawan anay ang pagdagsa karon nga gina patigayon ang contact tracing kasunod sang pagsaka sang active cases sa banwa. Sa Lunes na magabalik ang pagbukas sang mga resort kag dapat 50 porsiento lamang sa ila nga kapasidad ang pwede nga mabaton.

Wala man sang opisina subong nga adlaw tubtob bwas ang munisipyo suno kay rojas bangud patigayunon ang disinfection. Work from home sa karon ang mga empleyado. Holiday naman sa Biyernes gani sa Lunes na maga bukas balik ang munisipyo.

Nakabisita ang isa ka punong barangay nga nagpositibo sa munisipyo suno kay Rojas.

Siyam ang active cases karon sa banwa kag padayon man sang swabbing sa mga close contacts.

Leave a Reply

Your email address will not be published. Required fields are marked *

Secured By miniOrangeSecured By miniOrange