Negros Oriental IATF naga panawagan sang pag likaw sang mga residente sa pag padulong sa mg lugar nga may madamo nga kaso sang Covid-19 agud indi na liwat mag saka pa ang kaso sa probinsya
Nagapabilin tubtob karon nga yara lang sa masobra 300 ang active cases sa Negros Oriental nga kahapon nag record man sang 44 new cases kag 32 new recoveries. Sinemena na nga 2 digit cases lang ang ga dugang sa probisnya nga karon may 354 active cases lang kag recoveries nga 10,376.
Suno kay Dr Liland Estacion, provincial IATF commander, isa lang sa paagi agud indi na mag saka liwat ang kaso sang probinsya amo man ang pag limit sang pag gwa sang mga residente ilabi na ang pag padulong sa mga lugar nga madamo kaso karon kag may yara sang Delta variant.
Wala pa sa karon sang recorded ang Negros Oriental nga Delta variant case, gani isa man ini sa gina likawan sang probinsya.
Isa pa sa tikang karon sang Negros Oriental amo ang pag require sang antigen test sa mga essential workers gikan sa Cebu ukon sa Negros Occidental.
Samtang, amat amat sa liwat nga naga saka karon ang kaso sa Bacolod City. Yara naman liwat sa karon sa 919 ang active cases sa Bacolod nga kahapon may 85 new cases kag 3 new recoveries. Ang Bacolod ang may duha pa ka confirmed cases sang Delta variant.
645 naman ang kaso sa Negros Occidental nga may 78 new cases kag 49 new recoveries kahapon.