Shadow

Active cases sang Covid-19 sa Negros Island padayon ang pagnubo

Padayon ang pagnubo sang active cases sang Covid-19 isla sang Negros.

Gin-extended ang general community quarantine with heightened restrictions sa Negros Oriental.

Matapos mag peak sa masobra dos mil ka active cases sang bulan sang Hunyo, sa karon, yara na lang sa 323 ang active cases sang Covid-19 sa Negros Oriental.

Kasunod sang manubo na nga dugang nga kaso kada adlaw, padayon man ang pag ayo sang mga damlag nag positibo sa Covid-19.

33 ang new recoveries kahapon kag 12 lang ang bag-o nga kaso.

Gin pahayag man sang pamuno sang IATF sa probinsya nga isa sa tikang agud indi na liwat mag saka pa ang kaso sa probinsya amo ang padayon nga vaccination ilabi na sa vulnerable sector.

Gin extend man sa karon ang general community quarantine with heightened restrictions sa probinsya bisan pa naga nubo na ang kaso.

Samtang, ang Negros Occidental ang may yara na man lang karon nga 940 active cases. 72 ang bag-o nga kaso kahapon sa probisnya kag 74 naman ang new recoveries.

Ang Bacolod City naman nga may 24 new cases kag 30 recoveries ang karon may 718 active cases.

Leave a Reply

Your email address will not be published. Required fields are marked *

Secured By miniOrangeSecured By miniOrange