Makabaton sang ayuda ang mga residente sang Purok Balinday, Barangay 2 sa Bacolod City nga apektado sang ipatigayon nga demolisyon nga kabahin sang tikang sang city government para sa relocation kag disaster risk reduction.
Ang mga panimalay nga ginapatindog sa ibabaw sang creek ginakabig sang city government nga naga sabad sa ilig sang tubig sa lugar, gani kabahin ini sang relocation kag disaster risk reduction efforts sang lokal nga panguluhan.
Suno kay Department of Social Services and Development Head Richelle Verdeprado-Mangga, 37 ka pamilya ang magabaton sang tig ₱10,000 nga ayuda bwas nga adlaw, Enero 15, 2026.
Una na ginpadal-an sang notice ang mga apektado nga pamilya sang nagligad pa nga tuig, apang gin ayo nila ang city government nga tapuson anay ang selebrasyon sang Paskwa kag Bag-ong Tuig antes magbiya.
Ginpasiguro man ni Bacolod City Mayor Greg Gasataya nga magapadayon ang koordinasyon sa nagkalain-lain nga ahensya agud matigayon ang husto nga relocation kag mabaton sang programa ang mga apektado nga pamilya sa tion sang ila pagsaylo.*