Indi na kinahanglan ang vaccination card ukon negative RT PCR test result para maka boto.
Ini ang ginklaro sang comelec sa mga bumuloto karon nga pila na lamang ka adlaw ang nabilini kag election day na.
Suno kay Bacolod Acting Elections Officer Revo Sorbito, importante naka mask kag mag sunod sa physical distancing sa pag abot sa polling centers santo sa pagsulundan.
Ang mga maga boto nga may 37.5 degrees celsius nga temperature sarang sa gihapon maka boto sa gin designate naman nga isolation polling places.
Pwede ang mga botante magdala sang ila nga guide sa luyag nga botohon. Pahanumdom sang Comelec iga shade sang eksakto ang balota kag indi mag overvote, bangud indi ini pagbasahon sang VCM.
Ehemplo kun dose ang kinahangalan nga konsehal indi dapat mag sobra sa dose ang pilion.
Sa mga kandidato, May 7 ang last day sang campaign.
Las sais sang aga tubtob las 7 sang gab-i ang botohay sa Mayo 9.
50 ang nag-abot nga contingency VCM para sa Negros Occidental kag duha sa Bacolod City.
Kun tayuyon man lang ang tanan kag wala sang technical nga problema, las dose ukon la una sang kaagahon sang Mayo 10 mahimo may trending na nga makit- an sa resulta sang eleksyon sa Bacolod City suno kay Sorbito.