Mga punong barangay sa Bacolod nagbyahe pa Macau kag Hong Kong para sa benchmarking. Halin Abril 11 asta 14 ang byahe sang 61 ka mga punong barangay sa Macau kag Hongkong.
Ginsiling ni Punong Barangay Caesar Distrito, spokesperson ni Mayor Albee Benitez, maga upod sa benchmarking activity ang pila ka city officials.
Wala diri sang gaalastuhon ang Bacolod LGU bangud sabat sang alkalde ang gasto dugang pa ni Distrito.
Temporaryo man nga gintalana sang alkalde si Councilor Israel Salanga bilang acting city mayor bangud sang iya personal nga byahe.
Sa Abril 27, ang masunod nga byahe pa-Sipalay City para sa mga kagawad sang barangay.