27 ang active cases sang Negros Occidental sa April 5 nga report sang Provincial Incident Management team.
Ini ang pinaka manubo nga na record nga active cases sang probinsya humalin sang nagsugod ang pandemic.
Suno kay Negros Occidental Governor Eugenio Jose Lacson may duha naman ka adlaw nga zero ang new cases nga na record para sa probinsya.
Padayon naman ang pagduso sang bakuna labi na sa mga barangay.
Sa pagtambong ni Gov Lacson sa Liga nga mga Barangay Summit iya ginsulit ang pagpanghangkat bahin sa bakuna ilabi na nga ginaduso ang house to house vaccination.
Masobra sa 221,000 ka bakuna nga maga expire sa probinsya kag yara sa na DOH kag PHO ang pag manage sini suno kay Lacson.
Naga pati si Lacson nga naga ka angay man nga maduso ang booster shot para indi man mausik ang bakuna.
Gina panginbulahan niya man ang mga lgu nga napaidalom na sa Alert Level 1 pero pagpanghangkat niya nga kun unopposed man lamang ang mga alkalde sang sini nga mga LGU mas maayo pa gid kun maduso man nila ang booster shot.