Mga punong barangay sa Bacolod nga katapo sang Grupo Progreso naghinyo kay Congresman Greg Gasataya nga magpabilin sa ila nga partido.
Luyag sang mga punong barangay nga katapo sang Grupo Progreso nga magpabilin ang maayo nga panghimanwa paagi man sa kooperasyon sang mga lideres sang siudad.
Gani suno sa kay Punong Barangay Rodolfo Pico sang Barangay Mansilingan sa isa ka pagtililipon sang nagligad nga semana, sila ang naghimo sang manifesto agud ayuon si Congressman Greg Gasataya nga magpabilin sa partido.
Indi man abi malipod ang ila kahangawa sa posible pagbiya sang kongresista sa grupo para magsuporta sa kay Albee Benitez.
Isa si pico sa mga punong barangay nga nagpirma sa manifesto upod sa 53 pa ka mga kapitanes.
May pila pa ka mga punong barangay nga nagpirma pero nag-ayo nga indi lang mahingadlan.
Gintinguhaan naman sang Digicast Negros nga makuha ang pahayag ni Gasataya pero wala pa siya makasabat kag makahatag sang komento tuhoy sa manifesto nga karon indi na luyag ipa-gwa pa sang mga punong barangay.