Mga progresibo nga grupo nag-rally sa Bacolod para pamatukan ang Charter Change kag national housing project.
Dungan sang pagdumdom sang Semana Santa, nag rally ang katapo sang mga progresibo nga grupo sa Fountain of Justice sa atubang sang daan nga city hall sa Bacolod.
Sa pagpanguna sang Kongreso ng Pagkakaisa Maralita ng Lungsod ginpabati sang grupo ang grupo ang pagpamatuk sa ginaduso nga charter change, manubo nga sweldo kag ang ginapatuman nga Pabahay Program nga para sa ila tuman ka strikto ang mga requirements nga ginapangayo sa mga informal settler families.
Ginapanawagan nila ang paghatag solusyon sang gobyerno sa nagasaka nga presyo sang balaklon.
Upod sa pagtililipon ang katapo sang Partido Lakas ng manggagawa, Sanlakas kag Bukluran ng Mangagawang Pilipino nga nagsuporta sa panawagan para sa pagbag-o agud mahilway sa kalbaryo ang mga pigado.