Mga persons living with HIV ang ginahaylo sang Department of Health nga magpabakuna kontra Covid-19.
Ginpahayag sang regional program coordinator sang National Aids and STI Prevention and Control Program nga si Adrian Hort Ramos nga nalakip sa A-3 nga priority list ukon mga persons with co-morbidities ang mga persons living with human immunodeficiency virus ukon HIV.
Suno kay Ramos, wala sila sang dapat ikahangawa nga side effects sang bakuna bangud kasubong lamang ini nga side effects nga sarang mabatyagan sang tanan nga persona nga nadapatan sang Covid-19 vaccine.
Sa tion sang pandemic, nagapadayon ang paghatag sang DOH sang mga anti-retro viral drugs kag iban pa nga mga primary services sa mga PLHIV pati na ang testing kag screening.
Nagapasalig man ang doh nga may nagakaigo sila nga supply sang mga bulong gikan sa national government.