Mga permanent kag casual nga empleyado sang Kapitolyo Probinsyal ang nalakip na sa Negros Occidental Comprehensive Health Program coverage.
Ini base sa executive order nga gin pa gwa ni Negros Occidental Governor Eugenio Jose Lacson.
Suno kay Randy Peacita ang presidente sang Progressive Alliance of Capitol Employees sadto mga contract of service lamang ang nalakip sa NOCHP para ma cover ang ila nga physical examination.
Pero sa ila nga pagsapol kay Provincial Administrator Rayfrando Diaz natigayon kag nakasugtan ang 5,000 pesos nga NOCHP coverage nga sarang magamit indi lamang sa annual physical exam kundi pati man sa iban pa gid nga health coverages.
Suno kay Peacita labi nilang gina pasalamatan ang amo nga tikang nga nag take effect sining Nobyembre 28.
Qualified dependents ang mga asawa kag bana, kabataan kag legalized dependents nga naga pang edaron 20 years old ang below kag single kag legitimate and illegitimate children nga may yara sang physical kag mental disability.
“Naka stipulate man na sa aton nga CNA nga ang tanan nga empleyado entitled sang yearly physical exam nga free. So gin ayo ta sa kay Atty Diaz kag amenable man siya kag namian man siya kag si Gov kay te dapat man gid gina monitor ang health sang mga empleyado para pag retire at least okay pa ang mga empleyado”, suno kay Peacita.