Masobra isa ka libo nga persons deprived of liberty ukon PDL sa siudad sang Bacolod ang sarang nga makaboto sa Barangay and Sangguniang Kabataan Elections sa Oktubre 2023.
Suno kay Commission on Elections Bacolod Election Officer, Atty. Kathrina Trinio-Caña, 1,279 ka PDLs ang na-rehistro sa siudad.
Ini ang ginalakipan sang 402 ka registered PDLs sa Bureau of Jail Management and Penology sa Brgy. Singcang-Airport kag 877 naman sa Brgy. Handumanan.
Sa adlaw sang pinili-ay sa Oktubre 30, may personnel sang BJMP nga magakuha sang balota sa Comelec kag dal-on sa tagsa ka presinto sang PDLs sa diin makaboto ang mga ini halin las-7 sang aga tubtob las-2 sang hapon.