Sa Enero 3, magabalik na ang klase sa Apolinario Mabini Elementary School.
Gani nagalibog ang ulo sang 39 ka mga pamilya nga nasunugan sa Barangay 29 nga asta karon nagatenir sa eskwelahan nga amo ang naga serbe temporaryo nga evacuation center.
Plano sang barangay nga isaylo sa barangay gym ang mga evacuees.
Humalin kaina may pila na ka mga pamilya nga nagbinalik sa ila nasunog nga puluy-an para manghimos.
Nagalaum sila nga kuntani makabaton sang donasyon ukon ayuda gikan sa siudad para sa mga construction materials kasubong sang panid sang sin kag kahoy.
Ini agud masuguran nila ang liwat nga pagpatukod sang puluy-an nga sarang nila balikan sa bag-ong tuig.