May walo ka mga pamilya nga tigayon nagbalik sa campsite matapos sila ang nagbiya sang Lunes nga wala sang permiso.
Ini suno kay John BF de Asis ang pamuno sang Municipal Disaster Risk Reduction Management Office sang La Castellana nga nagsiling man nga ang natungdan nga pamilya ukon 34 ka mga indibidual ang nag-upod balik sa ila sang Martes sang gab-i matapos ginkadtuan sang MDRRMO sila sa ila nga lugar sa Cabagnaan.
Suno kay de Asis as of press time ila nga gina confirm pa kun may yara sang maga dugang nga tatlo pa gid ka pamilya nga maga balik sa campsite.
Padayon ang pag engganyo sang LGU sa mga pamilya nga nagbiya nga wala sang permiso nga mag balik sa campsite bangud para man ini sa ila nga safety kag kaayuhan.
Gin kumpirma man ni de Asis nga ang iban gin pakamaayo nga mag balik sa campsite matapos makit-an ang ila nga mga balay nga naguba sang asupre.
“Last night, kami gid to nagsaka upod sang PNP may 8 families, 34 individuals, gin transport pa namon sang gab-i. gab-i na kami natapos in one purok. May mga certain sila nga request nga amo man gyapon nga circumstance, wherein hasta nagab-ihan kami. Due to the proximity, gab-i na wala na kami ka visit sa iban nga purok”, suno kay de Asis.
Naghinyo man sang pasaylo, base sa post sang Arangka La Castellana ang persona nga gina tudlo nag engganyo sa mga internally displaced individuals nga mag biya nga wala sang permiso.
Ginsiling naman sang Office of the Civil Defense nga sila ang maga patuman sang tikang para man masabat ang mga ginareklamo sang mga evacuees.
Nalakip na diri ang pag-request nila gikan sa national office sang pre-fabricated emergency shelters.
Maga butang man sang standby vehicles para sa mga kabataan nga naga eskwela kag paayuhon ang connectivity sa lugar nga gina teniran.
Mas hugtan pa gid ang seguridad sa mga border suno kay Sermeno agudto wala na sang may maka sulod nga wala sang pahanugot sa 6km danger zone.
“Try naton improve ang mga gina reklamo nila, like for example number one ang shelter. Bwas sang hapon may meeting kami with the Central Office ang plano nga mag padala sang pre-fabricated nga emergency shelters. Amo na ang isa. Ang number 2 nga gina reklamo nila ang standby vehicle nga kuntani maka bulig sa transportation sa mga kabataan”, suno kay Sermeno.