Probinsya sang Negros Occidental, 303rd Infantry Brigade upod na ang multi-sectoral groups ang nagsaulog sang 20th Negros Week of Peace.
Isa ka programa ang ginsakdag sa Headquarters sang 303rd Brigade sa Camp Gerona sa Murcia upod man ang Negros Occidental Police Provincial Office.
Ang amo nga kahiwatan ang kadungan man sa gin sakdag nga Week of Peace sa Mindanao sadtong Disyembre 6.
Sa mensahe ni 3rd District Board Member Andrew Montelibano iya ginhangkat ang mga pamatan-on nga padayunon ang mga nalab-ot na sa mga tikang nga ginpatuman sa pag lab-ot sang kalinong.
Nalakip sa mga nagtambong sa seremonya ang mga nakigbahin sa Provincial Youth Leadership Summit.
Yadto man ang mga former rebels nga ginpasalig ni Montelibano nga ang gobyerno ang padayon nga magahatag sang suporta sa ila labi na nga sila ang nagbalik na sa sabak sang gobyerno.
Gin siling naman ni Brigadier General Ted Dumosmog ang commander sang 303rd Brigade nga ang stability sang isa ka nasyon yara sa pag angkon sang kalubaran ukon pag-ayo sa ano man nga naga tunga sini.