Pila ka mga balay sa kilid sang taytay sa Barangay Alijis sa Bacolod City ang gin pang-demolish. Kabahin na diri ang balay nga temporaryo nga ginadayunan sang namatyan nga pamilya.
Naghawan ang kilid sang taytay sa Magsungay River sakop sang Barangay Alijis matapos gin-demolish sang katapo sang City Legal Enforcement Unit ang mga pamalay kaina sang aga.
Pati ang mga balay sa kilid sang pika-pika ang ginpang-guba.
Nalakip sa ginkakas ang balay nga temporaryo nga ginadayunan sang namatyan nga pamilya.
Ginsiling sang barangay staff sang Barangay Alijis nga malawig na nga napadal-an sang notice to vacate ang mga pamilya nga apektado sang ginpatuman nga demolisyon.
Damlag pa, ginmando ni Mayor Albee Benitez nga masaylo sa relocation site ang mga balay nga yara sa kilid sang ginakabig danger zone ukon ang yara sa kilid sang mga sapa kag taytay.
Ini man ang nangin rekomendasyon sang Bacolod Environment and Natural Resources Office tungod nagasablag sa alagyan sang tubig ang mga ginakabig illegal structures kag agudto mapunggan ang madata nga iligal nga quarry operation sa kilid sang mga sapa.