981,000 pesos tanan ang na-release nga pondo sang probinsya bilang incentive para sa mga nagdalaog nga atleta sini sa Palarong Pambansa 2026 nga gin patigayon sa Agusan del Sur sadtong Mayo.
14 ka gold, 11 ka silver kag 5 ka bronze ang nabitbit sang mga atleta sang Negros Occidental sa regular kag para games gikan sa Palarong Pambansa.
Sa mensahe ni Governor Eugenio Jose Lacson sa seremonya para sa mga atleta iya sila gina haylo nga paayuhon pa gid nila ang ila nga performance.
Number 11 ang Negros Island Region sa kabilugan nga medal tally count sa Palarong Pambansa. Ini man ang pinaka una nga tion sang NIR nga mag pakig bahin sa amo nga nasyonal nga hinampang.
May tatlo ka record breaker gikan sa Negros Occidental athletes kag isa na diri ang 12 anyos nga si Ashley Nicole Silvor para sa 400 meter dash.
Pinaka una niya man nga tion nga maka entra sa Palarong Pambansa. Siya ang taga La Castellana. Mensahe niya para sa mga kaupod nga atleta nga mag padayon lamang.
Kun wala man sila naka pauli sang medalya mahimo nga indi pa ini ang ila nga tion.*
[sibwp_form id=1]