Mga ospital sa probinsya ang napaidalom karon sa code white. Sumugod Disyembre 20, ginpasaka sa Code White ang mga ospital sang probinsya kag ini ang tubtob Enero 4 sa madason nga tuig.
Ini sa pagpasiguro nga may supisyente nga supplies kasubong man nagakaigo nga pagpanghanda ang tanan nga mga ospital sa yuletide season. Suno kay Dr Mary Ann Maestral ang Chief of Hospital sang Teresita Lopez Jalandoni Provincial Hospital sa Silay City, wala labot sa firecracker injuries ginahandaan man nila ang medical cases nga ila namutikan nagasaka man. Kabahin sa mga kaso nga ila nasugata karon amo ang myocardial infarction ukon heart attack, kasubong man stroke, nga mahimo dala sang tuman man nga kan-anay.
May paandam man sa mga asthmatic ukon may hapo, labi na kun may mga palupok. Mas maayo nga naka mask kag maglikaw sa aso. Karon nga may pagsaka man sa influenza like illness, mas maayo nga mag tipon tipon sa well ventilated areas.
Ang pneumonia isa sa maid-id man nga gina monitor nila. Wala man naga untat sila pahanumdom nga magkaon in moderation mas maayo kun ang gina handa may utan kag prutas.